戀愛綜藝《女神配對計劃2》每個星期日都為大家帶來爆滿嘅粉紅泡泡，而於 myTV SUPER 33台 同步嘅直播「女神戀愛聊天室」，上星期就由 郭珮文 陳若思 兩位女神，同觀眾同步邊睇邊傾。
據直播互動數據顯示，當晚直播錄得有3.6萬名觀眾一共超過14000次互動，反應熱烈。兩位女神又大談擇偶條件。Juliana自爆另一半一定要「識食」，直言若男生唔欣賞美食，最多只能成為朋友。至於Amber就大方承認自己「重色輕友」，笑言只會為另一半親自下廚。
《女神配對計劃2》星期日晚 20:30 翡翠台
至於節目中嘅感情發展，Amber認為 吳兆麟 同 林子朗 兩人都對自己一條心。而Juliana談及前度 俞鋆瑞 嘅自信性格，就話即使自己遊戲中未選擇佢，Ice亦唔會氣餒，反而抱持「沒關係，下次會贏回來」嘅積極心態。 
《女神配對計劃2》戰況愈演愈烈，10月18號播出嘅第7集，隱藏女神 梁超怡 同 陳星妤 將正式加入配對戰局，令女神同求愛勇者之間嘅關係增添更多變數。
而「女神戀愛聊天室」今個星期亦會推出升級版，葉蒨文 將同 阮嘉敏 仲有求愛勇者 方智弘(Oscar)，為各位女神把關，又由過來人同花生團角度分享戀愛心得。 升級版直播仲特設 「男女戀愛腦大不同！終極A/B二選一」 互動遊戲，三位嘉賓將面對一連串極具爭議性嘅戀愛難題，好似「寧願另一半係A0定A380？」、「拍拖最怕另一半冷戰定瘋狂報備？」以及「寧願另一半精神出軌定肉體出軌？」等。觀眾亦可透過Chatroom同步選擇答案一齊討論，展開充滿火花嘅男女戀愛觀大碰撞。
直播亦將推出限定 「戀愛神留言挑戰」 ，歡迎大家於Chatroom發揮創意，分享最有趣、最具個人特色嘅戀愛神回覆，更有機會獲得藝人親簽即影即有。當然大家亦可透過直播限定Super Stickers，為心水女神送上支持，集結應援。
《升級版：女神戀愛聊天室》星期日晚 20:15 myTV SUPER 33台