張柏芝或亮相劉德華監製賀歲片 優雅現身品牌活動顯女性魅力

張柏芝 喺深圳現身品牌活動，以一襲白色長裙優雅亮相，46歲狀態、氣質依然，喺鏡頭下顯見皮膚緊緻光滑，流露住一股輕熟女性韻味，喺現場圍觀嘅粉絲都直柏芝狀態好靚，白月光回來了。柏芝又分享自己對生活品質嘅理解，坦言忙碌之餘，要識得為自己有Me time放鬆嘅時間，先係保持狀態嘅關鍵。

柏芝將重心轉移內地多年，喺香港已經好少見到佢嘅身影，不過近日劉德華自資做監製同拍檔邱禮濤開拍賀歲片，該片由舞台劇改編，並搵嚟原班人馬演出，華仔更答應同每位演員都會有對手戲同跳舞。柏芝當年主唱嘅《任何天氣》更成為舞台劇歌曲，之前曾經想邀柏芝入場觀看但未能成事，講到電影會唔會搵柏芝加盟？邱禮濤就話要保持神秘。