郭富城 呢日為 蕭芳芳創辦嘅護苗基金活動擔任嘉賓，向外界宣傳自我保護嘅兒童繪本，身為兩女之父嘅Aaron就指收到芳芳姐嘅親筆信邀請，加上活動極有意義，所以就答應出席喇。
城城又話早於22年前已曾參與基金嘅籌款活動，當年曾一齊共舞，又分享多年來基金嘅發展方向，自己二話不說就決定再次支持喇。
年底佢將殺入啟德主場館展開演唱會，早前囡囡於台邊欣賞爸爸演出時隨音樂起舞，仲舉手想挑戰爸爸嘅舞技，仲笑指非常相信自己嘅強大舞蹈基因已遺傳俾下一代咁話。
芳芳姐呢日笑容滿面現身，精神非常唔錯，仲非常幽默指自己化好靚妝所致，不過就指公開活動因環境嘈雜而會令耳鳴加劇，所以之後要好好休息一段時間先回復，不過為行善就冇所謂，亦因耳疾原因連同朋友見面機會都唔多，亦不時同七公主嘅朋友聯絡。
