韓國女星金智媛久違公仔箱兩年，終於又有新作推出，今次新劇改編自米倉涼子嘅經典日劇，金智媛飾演瘋狂女神醫入型入格，該劇一推出已獲唔少好評。
金智媛相隔咁耐再同大家見面，佢心情興奮又緊張，金智媛話喺呢段時間一直諗要以咩新面貌同大家見面，收到劇本後即決定要出演，加上自己都鍾意導演過往執導嘅作品。金智媛陸續知道每一位要合作嘅演員，亦覺得好踏實，好想能夠同前輩一齊合作，令佢學到好多嘢。
金智媛今次同實力派演員李姃垠、孫賢周合作，金智媛同李姃垠合作非常愉快，二人有好多對手戲，可以喺前輩身上學到好多演技嘅方面，既能學習又能得到快樂。
