台灣一間電視台慶祝多個節目同主持人入圍金鐘獎，包括有入圍常客 吳宗憲 LuLu 陳漢典 同曾寶儀 等。憲哥過去曾經因為失落獎座大肆批評，對金鐘獎又愛又恨，佢受訪時坦言已經唔記得第幾次入圍，又帶出連串說話指向金鐘獎告白。
憲哥話：「人生就是這樣，淡然面對心中最大心願，回首都是福，但是在那一刹那之間，是在乎的，跟你分手那一天，不是說我不痛，我一轉身沒有回頭，原因是不想讓你看到我流淚。」身邊嘅好友都笑佢同件事有咩關係，但似乎呢啲就係憲哥嘅心聲。
寶儀主持嘅節目已經連續三屆入圍，節目陸續邀請超過30位藝人帶觀眾返屋企，可以得到金鐘肯定，寶儀當然好開心，不過憲哥就有啲唔開心話3年30幾位嘉賓，為何就唔請佢上節目，搞到寶儀笑言：「不是沒想到，就是因為沒有你，我們才能三屆都入圍。」
陳漢典近日三喜臨門，除咗入圍金鐘，佢仲會擔任今屆頒獎禮嘅主持人，至於第三喜原來係一個烏龍，日前有一位同佢同名同姓嘅網友，喺網上分享太太懷孕嘅喜訊，結果竟然有一大堆人走去恭喜漢典同Lulu。