顏米羔 同米粉慶祝後援會成立3周年，VIP粉絲顏媽媽當然喺現場，仲有中四生 陳旭培 同 鄭仲豪 都一齊支持。
過去三年米粉都締造咗好多難忘回憶，呢日重溫往昔片段時，米羔都不禁感觸落淚，坦言好感動，因為自己個水煲好容易著，見到每個畫面都係一班人，佢承諾會更加努力行落去，希望第日每張相每個畫面都要用放大鏡先睇到自己。
米粉嘅支持成為米羔最大動力，所以佢特別獻唱咗《我願意》同《共同渡過》，憑歌寄意回饋米粉。另外，米羔近日開始參與寵物攝影，鄭仲豪就早已約定米羔，笑稱自己係「禽獸」，咁有冇衫著？米羔即刻好快接上話：「要著衫，通常禽獸都係衣冠﹗」
