十郎 鄧梓峰 唔止係大家熟悉偷偷隱居喺香港嘅「巴斯光年」，加上外傳佢家族背景雄厚，身為穩健司儀嘅佢，更可以話係周身刀，不論過往曾為義勇軍中尉，更擁有機司資格，同時又愛好配音樂同高爾夫，真係可以話文又得、武又得，而近日更有報道指，十郎原來係非常神秘嘅組織「共濟會」成員。
網上瘋傳十郎加入歷史悠久、充滿神秘傳奇色彩嘅古老組織共濟會（Freemasonry）。網上流出佢身穿共濟會專屬儀式圍裙（Apron）、與會友合照嘅圖片，不過其後圖片已刪除，而十郎回應傳媒時承認加入為當中聖殿騎士團成員。共濟會一向以門檻極高、講求人脈同社會地位而聞名，成員涵蓋政商界巨頭與精英。
不時被戲稱為「輕輕鬆鬆」鄧梓峰，亦因過往軍事背景不時扮演御用專業人士同紀律部隊角色。鄧梓峰出身自富裕家庭，家族經營航運生意，家族資產估計達數十億。十郎畢業於美國波士頓大學會計系，其後曾於當地任電台主播，返港後繼續廣播業，後來再轉職TVB，憑一口流利外同親和力，躍升成為金牌司儀之一。
十郎返港後曾加入皇家香港軍團（義勇軍），期間曾被派往英國皇家桑赫斯特軍事學院受訓。1995年軍團解散時佢已官拜中尉，當年曾執行過邊境堵截非法入境者等任務。
2003年嘅神劇《衝上雲霄》中，佢飾演嘅機師角色程日東亦深入民心，而現實中佢更係一名「真．機師」2000年就考獲小型飛機執照，飛行時數累積超過1000小時，拍攝《衝上雲霄》期間，佢更直接擔任劇組嘅專業航空顧問。
