古天樂舉行生日會預祝56歲 派對變迷你演唱會唱爆舞台

嚟緊21號就係 古天樂 嘅56歲生日，一向重視粉絲嘅佢，今年繼續舉行生日會同大家一齊慶祝，星期齊晚古仔就聯同近800位粉絲歡聚一晚，仲將生日派對以演唱會形式舉行，喺台上唱爆舞台。

資深傳媒人 汪曼玲 亦係座上客之一，同場出席嘅賓客仲見到有羅蘭、吳君如媽咪冬嬸、連炎輝，同埋早前身體不適嘅馮素波，身為主角嘅古仔以鮮紅色外套加恤衫領呔造型現身，搶眼得嚟又型仔到爆，加上佢連唱多首金曲，令到全場氣氛高漲，大家都玩得極之盡興。