張家輝 同 蒙嘉慧 作客節目《一周星星》同王鎮泉 分享新戲合作點滴，兩人相隔26年再合作，講到當初合作時對對方嘅第一印象，家輝就話：「好瘦，而家就有啲嘢包住，肥咗又靚咗。」Yoyo話當年合作時自己仍然係新人，但求自己背熟劇本，無遮人燈位就可以。
Yoyo話慶幸自己冇乜造型包袱，原本有諗過減磅，但係減極都冇成效，不過有一幕戲要演回後生嘅自己，佢就出絕殺以膠紙拉下巴，連家輝喺現場都話效果好。至於家輝喺戲中嘅中坑禿頭造型，事前專登剃光頭髮，佢覺得有時造型會幫忙入戲，所以會挑戰任何造型。
《一周星星》星期日晚 21:40 翡翠台