戀愛綜藝《女神配對計劃2》剛播出一集，兩位隱藏女神 梁超怡 同 陳星妤 終於現身，仲同由佢哋親自挑選嘅求愛勇者親密接觸，令氣氛更加熾熱之餘，亦可以預見競爭會更加激烈喇。
同Yvett面對面咬糖嘅Oscar 方智泓 事後就直認心跳不止，仲話以呢個方式首次見面，心情非常波動呀。至於本來已同自己配對嘅Oscar仲有Oswald 關經翰 都被Yvett同Joey「迷惑」， 俞可程 就似乎有啲擔心喇。之後Kanis就迅速出招回應，於電話亭環節貼身耳語用力挽留Oscar。
至於加入女神陳營嘅Yvett同Joey，就話心情一直非常緊張，因為首次參與戀愛綜藝同真人騷拍攝，仲要喺大眾見光下談情，不過同時心情興奮呀，仲話唔係搶情人，一切都交由緣份決定喎。
至於早於節目開始初段已成為大家焦點嘅 阮嘉敏 同 吳旭東 ，呢集就竟然有意外發展，因為Mandy決定同Hepta 譚梓樂 互動，令一眾女神、勇者同花生團都大為震驚，而以為自己十拿九穩嘅東東大受打擊當場落淚。
《女神配對計劃2》星期日晚 20:30 翡翠台