張與辰獲預祝生日專注事業 玲玲預測來年忙爆周圍飛

張與辰 同 麥玲玲 曾展望 仲有 彭家賢 一齊擔任一個電競節目主持，嚟緊星期日就係Vic嘅41歲生日，呢日大家都一早為佢準備驚喜，現場為佢預祝牛一。壽星仔仲祝大家都身體健康事事順利。

佢仲話見到蛋糕一刻都唔知係為自己慶祝，仲話希望業內朋友人人有工開，而玲玲師傅就提醒佢來年犯太歲，不過身為藝人就冇問題，仲指與辰唔止多Job仲會四圍飛，演出機會大把呀。至於姻緣方面，佢就話唔心急，先專心事業咁話。

而剛過完29歲生日嘅GM，就喺網上同Sophie狂曬恩愛，令之前被指情變淡嘅流言全部消散，不過佢就話今年只係平淡度過，仲話完全唔需要澄清，玲玲師傅仲爆佢哋不知幾甜蜜，自己都成日催佢哋拉埋天窗呀。