澳娛綜合澳門上葡京綜合度假村呈獻嘅台慶劇《璀璨之城》，一開播就引發連串討論，當中唔止官家兩位少爺 張智霖 同 吳卓羲 兩兄弟為求目的不擇手段，連少奶 高海寧 同 張曦雯 同樣不惜一切達成目標。
日前 倪嘉雯 因被公開性侵過往而輕生，拍攝呢場沉重鏡頭時， Carmen就直指平時笑哈哈嘅自己要投入有一定難度，亦非常多謝高Ling幫忙投入崩潰情緒呀。而高Ling同 陳瀅 亦直指Carman呢場演出非常困難呀。
Carmen嘅角色本來同 孔德賢 經營小食店，不過因為兩位少奶嘅收購計劃而跌入漩渦，Danny仲直指係被奸人所害，仲留低伏線指外人未必衰得晒咁話呀。佢仲話因為於美食廣場拍攝，近廚得食下就即場慢慢揀嘆美食喇。
扮演少奶嘅Kelly唔止不時都靚爆出現，今次唔止出動私伙靚衫作戲服，加上身處澳門呢個美食之城，一有時間就同拍檔四出搵食喇。
美食之外，劇集更於澳門各大景點取景，好似澳門旅遊塔、華麗嘅餐廳御花園，以及高貴裝潢嘅上蒲京大禮堂，足跡可以話遍及整個澳門呀。
《璀璨之城》星期一至五晚 20:30 翡翠台