古淖文 伍富橋 應智越 仲有 涂毓麟 ，呢日齊齊參與一個萬聖節活動，仲齊齊以特別造型出席，不過剛為人父嘅Alvin就非常平實，似乎係忙住湊BB之故喇。Alvin話小朋友比預期提早出世，亦陪住太太入產房為BB剪臍帶，仲話聽到BB第一吓喊聲感動到毛管都楝呀。
而German同樣可喜又可賀，事關佢即將迎接紅館演唱會，佢仲話今次要傾盡全力為大家演出，仲話一定係「All In」，German話正考慮舞台設定，心情興奮又緊張呀。
至於早前入院切除瘜肉嘅細貓，呢日就滿血現身，佢話因為講話同唱歌都有問題，又因為藥物等因素，令佢對往後嘅音樂事業非常擔心，幸好手術後康復先公佈，真係一天都光晒呀。
