爆出同 劉愷威 新戀情嘅 黎紀君 ，其實於喺香港娛樂圈同廣告界小有名氣，亦憑住甜美樣貌同勻稱身材，一早獲封為新一代「男神殺手」！
Christy畢業於名校聖保祿同理工大學工，係名乎其實嘅高學歷靚女。早年佢喺被星探發掘入行做模特兒，2014年因為拍攝九巴廣告而被封為「睡美人」，當時宣傳海報甚至貼出未幾就被偷走，一時成為網民熱話。之後佢仲接替陳嘉寶拍攝財務公司廣告，成為第四代「邦民女」知名度大增。
除廣告之外，Christy過往亦曾參與唔少影視同電視節目主持，早前就參與話題電影《夜王》而同 連詩雅 梁諾妍 等皆為好友。除咗幕前發展，Christy仲喺2018年開設個人糕餅工作室做老闆娘，同時教班整甜品，絕對多才多藝！過往佢亦曾同王宗堯等男星傳過緋聞，如今再傳出撻著比佢大22歲嘅劉愷威。
