憑《還珠格格》小燕子一角而旋即紅遍東南亞嘅 趙薇 2021年被官方點名為「劣跡藝人」後，所有演藝同商業活動都遭封殺，甚至連相關影視作品都需要下架。佢於2024年底時曾發文，宣布與2008年結婚嘅新加坡藉富商 黃有龍 已離婚多年，兩人育有一女小四月。
趙薇喺過去5年如同神隱一樣，除咗官宣已經離婚之外，就鮮有露面同新消息。直至星期二，趙薇罕有現身公開場合，染咗一頭金色棕髮嘅佢，身穿黑色格仔襯衫加白裙，現身好友兼著名髮型師Kim Robinson喺新加坡舉行嘅髮型騷。
趙薇嘅出現即時成為現場焦點，雖然已經踏入50歲，但外表睇嚟保養得宜，佢透露近期開始追看AI劇，亦對呢類新興嘅產業發表睇法，佢話喺現實嘅資金上，好難做到AI中嘅場景同效果。趙薇亦透露有埋首寫劇本，不過暫時未有復出計劃。
