台慶綜藝《美食強人》邀請 周國豐 同 陳煒 出任神秘美食家，為大家搵返功夫心機一啲都唔少嘅最佳雲吞麵。周Sir就指於廣州品嚐嘅一碗廣州之代表非常特別，而煒哥亦指同大家認知嘅雲吞麵非常唔同。
不過周Sir一頂招牌畫家帽咁易認，要低調探店似乎有啲難度，原來佢就指出巡期間會除帽出動，而煒哥就掉轉要戴帽遮一遮靚樣，相信未必有人認到佢哋咁話。
雖然暫時離開歌唱節目崗位，不過經過呢次參與之後，周Sir就指發現自己對飲食節目都有幾大興趣，唯一係擔心身形澎漲，仲即場請教煒哥Keep Fit心得呀。
《美食強人》星期一至五晚 21:30 翡翠台