《中聲4》啱啱開完兩場演唱會， 尹景順 鄭家聲 尤淑情 許雲妮 同 吳亦偉 未有時間休息，趁住重陽連假去到佛山登台，兩日嘅演出吸引大批粉絲支持，當中景順更加係連唱兩日。
景順同家聲喺《中聲4》演唱會嘅合唱令好多粉絲覺得意猶未盡，既然兩位都係唱得又跳得，不妨建議公司合作出首跳唱歌，點知景順提議係男女跳唱歌，佢負責做女角，展現妖嘅一面，留待家聲呢位《中聲4》舞王做男角。
第二日嘅演出，景順嘅拍檔換成雲妮同亦偉，三位繼續好歌連。雲妮完咗比賽後，好快就有自己嘅第一首單曲，而且仲係劇集片尾曲，亦偉非常羨慕，雲妮非常感恩遇到有新歌嘅機會，仲要係劇集片尾曲，係好多人夢想得到機會。
