冼靖峰12月舉行首次香港個唱 預告將於騷上展現最隨性一面

冼靖峰現身影樓拍攝新一輯靚相，不過呢批相佢影得特別認真，事關係用嚟做佢12月演唱會嘅宣傳海報，加上今次係Archie首度喺香港舉行嘅個人演唱會，而成個騷嘅概念係大家可以了解佢平時喺屋企所做嘅事。Archie坐喺一張佈滿唱片、結他同電子琴嘅床上影海報，佢話平時屋企都會係咁，尤其當練歌嘅時候，所有嘢都會放喺張床度。

演唱會海報造型畀人一種隨性嘅感覺，Archie話正正係今次演唱會嘅主題，希望畀到新鮮感入場嘅觀眾，而呢係同之前喺內地嘅演唱會有分別。Archie表示有好多親朋戚友會嚟捧場，當中有移居外地嘅朋友會專程返港。問到騷上會否剝衫？Archie話「大家入場咪知。」不過佢承認經已操弗身型。