哈林庾澄慶現身新歌記招，呢次佢用懷舊小食做歌名加上新穎曲風，令成首歌都好有新舊融合嘅感覺。哈林除咗出歌，亦即將喺北京展開巡唱，被問會唔會搵大仔恩利做嘉賓時，哈林就話要睇阿仔時間，因為恩利叫佢成個演出時間表畀佢，等佢再夾時間，所以哈林都未知會否父子檔演出，若果恩利真係現身，佢都要為演出內容而傷腦根。
講到恩利早前畢業禮時，曾表示跟爸爸哈林及媽媽伊能靜同場很難，問到哈林會否再有一家三口同框機會時？哈林斷言指「沒有。」
哈林再婚後，同現任老婆張嘉欣誕下一仔一女，而喺佢嘅新作中，一對仔女都有獻聲，呢件事令哈林非常興奮，亦由於佢對仔女有所要求，所以前後分開幾日先順利錄完。
哈林早前現身由五月天阿信及F4三位成員組成嘅F FOREVER巡唱杭州站做驚喜嘉賓，唱出當年熱爆大江南北嘅劇集主題曲，佢都話呢次令佢開心又感觸，全因當年F4、大S同歌曲《情非得已》係套餐，估唔到他們喺巡演中冇唱過，哈林覺得可能首歌對佢哋有種特別感受，正如仔仔都冇唱，可能首歌令佢感觸良多。