《璀璨之城》開播近兩星期，喺10月12號推出首周，跨平台直播收視最高22點 (141萬觀眾)，成為上周收視冠軍，亦係自2025年至今首播首周最高收視劇集。劇集由張智霖（Chilam）、吳卓羲、張曦雯、高海寧、姜大衞等主演，以豪門家族鬥爭為題，由未開播已經關注度好高，喺劇力萬鈞之下引發全城熱話。
myTV SUPER重溫《璀璨之城》豪門家族爭產
Chilam係劇集靈魂人物之一，飾演極級渣男嘅官孝賢，收到呢個好消息之後，喺百忙中抽空，喺社交平台拍片話收到劇集監製陳維冠通知喜訊，恭喜晒台前幕後每一位，最要多謝嘅係觀眾支持，並作出呼籲希望觀眾繼續睇《璀璨之城》。
其實Chilam一向係收視男神，過往喺TVB嘅劇集角色均大受歡迎，早喺2000年時主演經典劇《十月初五的月光》更創下收視神話，最高收視逹46點，早前TVB深夜重播仍引發迴響。Chilam喺2013年同吳卓羲一同主演《衝上雲霄II》，Chilam飾演「Cool魔」，除咗收視超班，型到爆嘅機師角色，令無數觀眾風靡。
