王君馨（Grace）同圈外老公Daniel喺2016年結婚後，去年5月誕下千金Audrey，至今年7月，Grace宣布懷上第二胎，實現三年抱兩願望，上月揭曉BB性別係小公主，希望兩姊妹未來相親相愛。Garce之前仲分享咗佢同Daniel喺香港上車置業，為迎接寶寶及未來做好準備。
Grace近日展示一輯全新火辣孕照，早前兩夫妻趁有空檔去咗富國島旅行享受Babymoon，見佢哋入住咗間舒適又豪華嘅池景酒店，Grace穿上白色比堅尼、披上透紗摸住孕肚，雖然已經肚凸凸，但Grace四肢及背部依然纖幼，未有完全發福，反而散發住一般幸福媽媽嘅味道，特別係老公Daniel喺其身邊輕扭住佢及親親肚內BB時嘅畫面，真係好溫馨﹗
