璀璨之城丨孔德賢親手剃頭紀錄角色許立風 與倪嘉雯二度演侶默契十足

孔德賢（Danny）近日出現喺熱播劇《璀璨之城》中，演活識時務嘅角色許立風，講述佢喺澳門十月初五街成長，經營一家小食店，同劇中女友倪嘉雯兩口子打理，兩人繼《香港探秘地圖》後再度演情侶，Danny曾喺接受TVB娛樂新聞台訪問話同Carmen再合作大家有默契，可以省卻時間去摸索，合作順暢，而佢好鍾意劇中嘅新髮型。

myTV SUPER重溫《璀璨之城》豪門家族爭產

Danny近日公開自己開工前，自己剃頭嘅片段，見佢一啲都冇不捨，手執電鏟快速完成，勇於為角色轉變，仲話自己頭髮自己剪，當佢知道要剪呢個髮型嘅時候好興奮，終於可以試吓平頭裝。

Danny好希望每一個角色都會有一個全新嘅面貌俾到觀眾睇，唔知呢個髮型會唔會令到你哋更加憎恨佢呢個角色，唔少民都讚佢呢個Look好清爽，銳氣不減。

其實Danny喺角色只係一時嘅貪念而捲入官家新抱高海寧同張曦雯（Kelly）嘅收購十月初五街嘅風波之中，面對女友Carmen跳樓輕生，Danny付出沉重代價，想知佢哋嘅發展就要繼續留意劇情。