任達華、謝君豪、伍允龍、賴慰玲等一同現身電影活動，華哥同君豪唔單止鬥智鬥力，君豪更成功游說華哥合演舞台劇，兩人強強聯手合作令人期待。華哥同君豪惺惺相惜，碰面時除咗研究演戲之外，又不時會交流攝影技術，仲互相收藏大家嘅片段同相片。
講到香港最美嘅靚景，華哥同君豪不約而同認為佢哋兒時成長地彩虹邨最靚，加上呢個地方就快清拆，令佢哋好多回憶湧現，雖然兩人曾經同住彩虹邨，不過就未曾相遇過，君豪笑指自己仲係BB時，華哥已經讀緊中學。
娛樂新聞台主播王鎮泉喺訪問期間因為有啲熱流汗，華哥即刻貼心拎出紙巾為鎮泉貼心抺汗。華哥嘅貼心舉動連Winki都感受到，因為二人合作時一cut機，周邊嘅人都爭住同華哥影相，佢亦大方來者不拒，直頭做咗打卡景點一樣。
另外，日前係伍充龍女友李蔓瑩生日，Philip話自己都識得製造氣氛，所以女友生日佢都識做，但就保持神秘唔會公開。
