黑妹李麗霞、劉浩龍、小肥 同 黃博等出席一個文化節活動，身為活動搞手之一嘅 林思彤 ，一直致力推廣廣東歌，而黑妹姐認為50年前嘅廣東歌好似講故事較易唱，現今嘅歌詞則比較難記。 許雲妮 就話自己喺馬來西亞專注唱廣東歌，所以嚟到活動特別有意義。阮慧珊覺得廣東話有好多貼地術語，應該要保留呢個傳統特色。
師兄同小肥當然大力支持廣東歌，佢哋仲會喺12月將廣東歌帶到去多倫多開騷，與觀眾普世歡騰，小肥就笑指佢哋係普世肥龍組合。
黃博近期密鑼緊鼓為稍後同李佳喺廣州嘅演唱會做準備，心情興奮又緊張，更披露今次騷特別挑選咗女性主題嘅歌曲，略帶感性，自己揀歌練歌時都有種想喊感覺，期待快啲同李佳相遇。
