導演馬浴柯執導兼編劇，集結梁洛施、文俊輝、洪金寶主演嘅犯罪動作大片《重生2》，宣佈電影將於11月上映，今次新戲故事聚焦異國地下黑市，揭露一個隻手遮天、將人命當作工具嘅暗黑產業鏈。
呢次電影集結實力派演員並顛覆自身過往形演出，每一位角色反差極大。梁洛施飾演一位母親「希拉」，其愛子不幸淪為罪惡鏈下嘅無辜犧牲品，於極度悲痛與絕望之中，梁洛施遇上同樣因黑市買賣而痛失妹妹嘅「蘇誠」文俊輝，二人決定化身復仇者討回公道，向幕後黑手「佐曼」洪金寶發起以命相搏嘅終極清算。
梁洛施褪去以往溫柔氣質，化身狠勁十足嘅復仇母親。梁洛施直言作為一位母親，當至親被罪惡摧毀，一定會奮不顧身去為孩子拼命，讓對方付出代價，呈現母愛爆發嘅最強殺傷力。
人氣組合 SEVENTEEN 成員文俊輝喺片中則有大量高難度近身肉搏與械鬥打戲，文俊輝飾演「蘇誠」身負命案與為妹妹報仇嘅執念，游走於活命及報仇搏命兩端，「我想過死，但我必須活下去」。文俊輝感嘆如果可以帶呢個角色回歸平靜，佢最希望「蘇誠」放下一切做回自己。
影壇大哥洪金寶呢次罕有挑戰表面和善、實則陰鷙冷血嘅終極大反派「佐曼」掌控全局，演技壓迫感十足。梁洛施與男友馬浴柯近日以情侶檔上陣，馬不停蹄為新戲宣傳，而導演及編劇馬浴柯就話延續前作生猛凌厲嘅風格，希望新片不辜負觀眾嘅信任。
