TVB戀愛真人騷《女神配對計劃2》自播出後引起城中熱話，郭珮文（Juliana）、陳若思（Amber）、阮嘉敏、何沛珈、俞可程五位女神同求愛勇者們嘅相處成為焦點。今個星期日就會播出女神們同求愛勇者喺水上樂園展開互動，Amber就率先分享當日拍攝嘅花絮照，就唔係同男士們有關，而係佢同Juliana嘅友誼點滴！
myTV SUPER重溫新一輯女神求愛歷程
Amber喺社交平台貼出佢同Juliana手拖手喺樂園奔跑及攬攬嘅相，仲用一張貓貓合照同佢哋嘅合照拼埋一齊，更將呢兩張對比相做成立體光柵小卡，可見佢哋對呢段友情嘅重視，令網民大讚佢哋係「好可愛嘅一對貓貓」。
Amber最冧嘅就絕對係同Juliana嘅一段對話：「這星期已經去到水上樂園🔫那天我問Ju🐷我：如果我被淘汰了，你怎麼辦？J：那我跟你一起退出。我：😳😳」Amber話Juliana嘅回應令佢「瞬間心動」，Juliana仲喺留言向Amber表白「愛你Very much」添！
《女神配對計劃2》星期日晚 20:30 翡翠台