台慶劇《璀璨之城》播出後熱度持續上升，由張智霖、吳卓羲飾演嘅官家兄弟鬥得你死我活，而高海寧同張曦雯呢兩位背後女人都不甘示弱，睇到觀眾好緊張。
myTV SUPER重溫《璀璨之城》豪門家族爭產
跳出劇外，高Ling忙完排得密密麻麻嘅工作後，終於可以放假休息一下，佢就揀咗去肯亞呢個難忘又走近自然生態嘅假期！高Ling喺社交平台上載多張同野生動物嘅近距離合照，以及美食同酒店嘅景色。
高Ling毫無女神包袱，分享一段素顏玩非洲鼓嘅片段，玩得非常開心。高Ling對呢個旅程感到好滿意同滿足，到埗第一日已經喺返酒店途中見到超多動物。
高Ling一身休閒裝扮，見佢拎住相機睇落好專業，佢叫大家期待靚相之餘，仲話「繼續完成我的bucket list：去非洲睇動物🦒🦓🦁🐆肯亞🇰🇪 我來咗啦～ 🥳🥳The BEST trip ever 」，唔少網民感到羨慕，仲話等睇高Ling嘅靚相。
