李克勤 與 盧淑儀 嘅長子 李立仁(Ryan)近日慶祝19歲生日， Ryan於社交平台分享自己7歲時嘅童年舊照，可見當年天真爛漫拎住激光劍，與及於直昇機前一臉自豪嘅小朋友，如今已長大成為初級大人，佢仲打趣留言話：「i think 7 year old me would be happy with 19 year old me 🎂😅（我想7歲的我會為19歲的我感到高興）」，引來唔少網民送上生日祝福，紛紛大讚佢由小到大都極具個人魅力。
過去於香港已為「學霸」嘅Ryan，近年遠赴美國頂尖名校紐約大學(NYU)修讀電影電視學系，積極追尋自己嘅導演夢。仲同同屆入學嘅 姚焯菲(Chantel)成為好友，更曾合作有趣短片。
Ryan唔止學業表現亮眼，幕後才華亦逐漸展露。今年初佢就首次同爸爸 李克勤 合作，為新歌《你的愛情回不來》MV擔任導演。克勤對乖仔嘅專業態度讚不絕口，直言製作過程認真「非玩玩下」，展現虎父無犬子嘅強大基因同藝術天分。
