內地男神 井柏然 近日現身香港街頭，有唔少粉絲野都生捕獲到偶像，紛紛將合照post上網，大讚男神靚仔又貼地，而井寶本人亦連環post自己喺香港吃喝玩樂全記錄，仲歡迎大家推介地道美食。
多位粉絲喺社交平台分享喺中環街頭偶遇井寶，話男神主動同粉絲打招呼，非常親民。亦有粉絲喺尖沙咀偶遇戴住口罩嘅井寶，粉絲要求合照，井寶竟然主動除低口罩配合。越來越多粉絲分享同井寶合照，搞到有網友忍唔住搞笑問「到底要跟多少人合影呀？」「難道是在香港辦粉絲見面會忘了通知大家？」
被無數粉絲野生捕獲後，井寶亦主動分享自己嘅香港之旅，佢興奮寫到：「我在香港，好開心呀！吃了喜歡的茶餐廳，還有這個可頌冰激凌，還有什麼好吃可以推薦麼？」井寶有求粉絲必應，湧入大批「地膽」熱情推介各式美食，唔知井寶有幾多個胃可以裝得落咁多食物呢？
