棒球選手出身嘅 曹佑寧 早前參與一個生存遊戲節目，挑戰體能極限，喺節目中唔只要經歷日曬雨淋，仲要靠自己喺野外覓食。呢日佑寧出席活動，講返拍攝時嘅點滴，佢仍然歷歷在目，話絕對係自己拍過最辛苦嘅節目。
佑寧話最深刻嘅一次係食青蛙，其實好多人都食過田雞，所以食唔係大問題，問題係要自己捉同埋自己處理，雖然於心不忍，但因為已經好肚餓，所以唯有簡單幫青蛙祈禱，然後再送佢去BBQ。
雖然拍得考驗體能嘅節目就預左一定會瘦，但係佑寧都估唔到淨係拍左兩日，就已經瘦到成個骷顱骨咁，照鏡嗰下自己都嚇親，結果完咗節目拍攝就即刻去打邊爐報復性大擦一餐。
講到呢個節目請到韓國男星金鐘國擔任串場主持，佑寧就大讚金鐘國非常親切，永遠都係笑臉迎人，係一個好溫暖嘅大哥哥。
