有「綠魔」之稱嘅形象指導Karl許嘉浩，趁住自己嘅生日月搞咗個慈善fashion show，邀請多位女藝人包括 黃榕 尹蓁晞 等女藝人行騷，而 寇鴻萍 同 唐貝詩 兩母女當日都係座上客。
Karl話自己已經連續多年生日搞慈善派對，今年就係幫香港結節性硬化症協會（TSCAHK)」籌款，佢叫大家將買禮物同請佢食飯嘅錢捐出，希望藉由自己嘅小小力量，幫助有需要嘅人。
而Isabella上個月尾啱啱過咗65歲生日，佢亦久違嘅大搞生日party，同過百位朋友齊齊開心一晚，當晚有好多圈中朋友出席，包括葉子楣、陳欣健、黃夏蕙等，而兩個女亦都盛裝打扮參與，仲向媽咪獻吻。Isabella話自己搞party有部分原因係想幫香港振興經濟，順便搵藉口同班朋友見面聚會。
