TVB音樂選秀節目《中年好聲音4》、無綫（國際）有限公司以及TVBI旗下藝人 尹景順 於馬來西亞吉隆坡，獲《The BrandLaureate BestBrands Awards 2026》頒發多個獎項。
《中年好聲音4》榮獲「最佳品牌獎 : 卓越勵志娛樂獎 — 激勵夢想，禮讚人生第二篇章」獎項。TVBI則獲頒發「最佳品牌獎：全球內容、媒體與娛樂卓越獎」獎。對於呢次獲獎，TVBI總經理 陳樹鴻 表示：「我們深感榮幸能獲得這項殊榮，功勞係製作團隊同參賽者，節目喺星馬、北美同澳洲等地海選，當初係面對一定困難，但過程好開心，因為收到好多觀眾同參賽者嘅回饋，話成個節目畀到個平台大家，不論任何職業嘅人都可以追夢。」
至於《中聲4》冠軍 尹景順 就獲頒發「傑出區域藝人獎」，以表揚佢喺《中聲4》賽事中出色表現，景順好開心能夠喺家鄉獲獎，不過就覺得為仲有好多嘢未做到，等自己再有大啲嘅成就先叫衣錦還鄉。
佢又話自《中聲4》賽事之後，多咗機會四出表演同登台，而呢啲工作喺佢參賽前都一直有做，所以都唔會話唔適應。講到推出新歌，佢希望可以一次過推出快歌同慢歌，又想畀到大家一聽就知道係佢風格嘅歌，所以需要時間製作。
