《璀璨之城》中 張智霖 同 蔡一智 一場餐廳戲劍拔弩張，不過其實阿智同Chilam早已認識，當年早於1992年參演《沖天小子》同草蜢 已有 合作，而阿智多年來僅出演過三部TVB劇集；除前述兩部再加上《衝上雲霄》，更係每部都同Chilam結片緣，非常有趣。
阿智仲話Chilam唔止多年來容貌保鮮，更連人品都幾十載不變，繼續係有禮嘅好好先生。更加止從未見過咁奸險嘅一面，令佢非常欣賞呀。
而Chilam就直指「官孝賢」嘅角色內心非常扭曲，為達到目的無所不用其極，亦用盡力量去令孝賢有人嘅缺陷味道。而同佢演一對嘅 高海寧 ，就認為孝賢自少已經缺少愛喇。
而細佬 吳卓羲 就指自己一樣有心魔，而太太 張曦雯 呢位「賢內助」亦不時出手成為Dirty Hands，正式係好老婆咁話。最近正甜蜜發展中嘅佢哋，被追現實都可以係好夫妻時，就急急轉話題避開喇。
至於 江美儀 呢位官家大奶奶，就認為自己先係整部劇中嘅Big Boss，兩子之間嘅爭奪都由佢而起，更同John哥逼阿Ron夫妻繼續向前爭權奪利。
《一周星星》星期日晚 21:30 翡翠台