熱播劇《璀璨之城》主要演員 張智霖 高海寧 吳卓羲 張曦雯 同 江美儀 接受 區永權 《一周星星》專訪。節目分別準備咗阿Ron同Kelly分別喺喺2004年同2014年受訪時，各自分享嘅擇偶條件，兩人當時分享嘅理想伴侶條件，剛好符合兩人現時嘅狀況，Kelly想另一半夠高大，令佢可以小鳥依人，而Ron就鍾情高佻長髮女仔。
當講到有傳兩人喺《璀璨之城》中飾演恩愛夫妻變成戲假情真時，阿Ron就主動提出轉話題講劇情，話角色非常愛太太，甚至收工之後都好錫Kelly，因為要投入角色。Kelly亦同意講法，話自己好愛老公，仲話若果要讚老公嘅優點，要講足「兩周星星」先講得完喎。
《一周星星》星期日晚 21:30 翡翠台