奧斯卡影后楊紫瓊、金馬影后秦海璐、內地戲劇女王劉濤、內地人氣演員許凱及時尚KOL章小蕙等，呢日喺上海現身撐國際知名品牌創辦人紀錄片。章小蕙近年將事業重心轉移至內地，今年63歲嘅佢容貌同身材狀態保養得宜，成為現場焦點之一。
秦海璐着住品牌特意為佢訂製嘅型格西裝亮相，近日天氣開始轉涼，陳都靈、劉濤分享秋冬必備單品，陳都靈喜歡戴羊絨圍巾，覺得作為一個演員，喺秋冬季節有好多場合要穿上禮服，圍巾就發揮到既舒適又保暖嘅單品，劉濤則喜歡着羊絨毛衣加窄腳褲，再配一對靴就OK！
人氣小生許凱主演嘅古裝復仇劇近日喺內地播出，引起唔少網民討論，唔少劇迷被佢嘅演技吸引，許凱自評新劇角色人設魅力係腹黑陰險毒辣，顛覆以往嘅深情形象。
