陳展鵬太太 單文柔 近年轉戰發展美容事業同專心經營社交平台，不時就會分享兩公婆同埋囡囡「小豬比」嘅幸福生活點滴。
Phoebe最近就分享帶小豬比搭乘充滿香港風情風嘅帆船出海嘅靚相同趣事，佢分享呢次帶小豬比坐嘅仲係展鵬當年拍劇集《張保仔》同一艘船 ，本來想同囡囡認真講下十一貝勒嘅故事：「點知唔知係海風太舒服定我講故仔太好聽，佢直接舒服到斷電瞓著咗。」令Phoebe都覺得好好笑。
從相中可見，Phoebe同小豬比吹住海風嘆下午茶，兩母女又坐喺度挨住對方扮瞓覺。喺另一張合照中亦清楚可見，7歲嘅小豬比越大越似媽咪，十足十係餅印一樣，而且已經面仔尖尖，係一個小小美人胚子，網民都讚佢越嚟越可愛！
