Sophie 葉蒨文 27號踏入34歲，日前同Fans一齊慶祝嘅佢，仲獲男友GM 曾展望 驚喜捧住蛋糕出現送上驚喜，加上一大束鮮花令女神喜上加喜。呢日戴晒后冠嘅Sophie明艷照人，至於GM會點為女友慶祝，佢就保持神秘唔肯開口講喇。
雖然GM鬼鬼馬馬唔肯講點安排，不過睇Sophie充滿愛意嘅眼神，就知點都心滿意足喇。壽星女亦都直指一齊過已經非常開心，不過都警告GM要小心處理，唔係就有排佢受呀。
至於一眾「蘇菲貓」亦為壽星女安排一次非常豐富嘅生日活動，多位好友就事先預錄片段送上祝福，而佢本人就為大家獻唱回報大家支持。之後仲同大家即場挑戰網上大熱嘅閃身步，令大家笑聲四起呀。
