《愛．回家之三代同糖》嘅多位演員，呢日襯住萬聖節將至，齊齊扮鬼扮馬走上街頭，同觀眾近距離接觸派糖果，吸引唔少觀眾注目。其中新加入嘅 樊亦敏 同 歐瑞偉 就分別化身嫦娥同玉兔，非常搞笑，至於 李偉健 嘅哪吒就被大家笑佢爭咁條底褲仔，而 車婉婉 就重現當年《皆大歡喜》「萬貴妃」造型，仲連戲服都係如假包換呀。
呢日Amy仲預告「嫦娥」劇中會同「萬貴妃」合體，坐直昇機出場嘅佢，令唔少觀眾都滿面笑容，而KC同Terry今次關係未明，不過劇外相處就令兩位女拍檔直言呷醋，兩人仲互助夾餸不知幾痴纏，而KC就開口指係因為Terry剛接受完手術，所以更加要好好關心好拍檔呀。
而 關曜儁 容天佑 同 趙浚承 嘅扮相亦非常突出，美少女戰士x小丸子x吸血殭屍嘅造型，真係見到就忍俊不禁呀。
