視帝 譚俊彥 同老婆 任祉妍 近日帶住一對仔女舉家飛到越南富國島度假，享受充實而溫馨嘅親子時光，阿Shaun更化身攝影師親自操刀，為太太同小朋友影低唔少靚相。
任祉妍喺社交平台分享連串度假寫真，當中不乏泳衣照。身穿黑色連身泳衣嘅佢，騷出一對修長美腿，雖然佢已經係兩位小朋友嘅媽媽，不過身材仍然Keep得好好。任祉妍仲喺限時動態放閃，讀老公影相技術一流：「俾大家睇下譚生嘅攝影技術有幾勁，我其實有兩層樓咁高。」更分享夫妻二人喺沙灘依偎嘅甜蜜合照，隔住個Mon都感受到呢粒甜到爆嘅閃光彈。
而兩位小朋友同樣玩得開心，盡情享受陽光與沙灘，又同爸爸媽媽一齊歎美食。從一張背影合照可見，兩位嘅11歲大女已經係亭亭玉立少女，身高已經到爸爸嘅膊頭，完全遺傳父母嘅高基因啊！
