鄭希怡 日前無預警喺社交平台分享「屋企多咗一個新成員」嘅喜訊，更貼上一張手抱BB相，令唔少人以為佢同老公梁學儲追二胎成功，11歲囡囡梁浸浸榮升家姐，仲收到唔少網民嘅祝福添！
不過大家搞錯喇！Yumiko喺27號晚再出Post，攘開BB真實身份！原來BB係Yumiko家中外傭姐姐嘅BB，佢仲話姐姐喺梁浸浸出世嘅時候就喺度，已經為佢哋屋企服務咗11年，所以一早當咗姐姐係屋企一份子。而梁浸浸喺BB出世後，就好似大姐姐一樣好識照顧人。
Yumiko亦喺文末為姐姐送上祝福：「而我亦衷心祝福maymay，希望她佢呢一次的選擇會係一個幸福的歸宿，請快d放完產假⋯😏」展現佢哋之間嘅情誼，而Yumiko好友黃依汶都讚佢係「最好的僱主」，網民都話呢段主僕情誼深厚溫馨。
