馬德鐘 翁虹 溫碧霞 以及三位應屆得獎港姐 出席由 趙曾學韞 主辦嘅慈善晚宴，而早前安排囝囝移局加拿大嘅 鄭俊弘 呢日亦有參與活動，不過佢同太太 何雁詩 受訪後，就被外界指感情疑出現問題，呢日Fred就澄清，指目前目標係以囝囝Asher為先，因為罕見病原因，佢哋同一般家庭並唔一樣，兩人感情並冇問題。
佢仲指囝囝近日已開始學行樓梯，令佢哋都非常鼓舞，最緊要就係小朋友開心同健康。
而早前剛飛往美國，為囡囡慶祝完19歲生日嘅翁虹，呢日仲指囡囡升讀大學後非常忙碌，既要忙學業，同時又兼任普拉堤教練，仲同時係美食KOL，所以連媽咪飛去見面都要先預約時間，令佢哭笑不得呀。
同場嘅 溫碧霞 早前同老公旅行慶祝結婚26周年，佢話雖然兩人感情並非一帆風順，不過歷久常鮮覺得非常難得，仲指呢次京都之旅非常開心難忘呀。
