第39屆東京國際電影節近日舉行，雖然開幕禮當日天氣麻麻，整個紅地氈環節都傾盤一大雨，不過就無阻一眾出席影星嘅興奮心情，繼續盛裝打扮出現，當中 北村匠海 出口夏希 松岡茉優 翁倩玉 中島健人 都先後現身。
一身桃紅色長裙出現嘅 翁倩玉 代表佢參演嘅《陽光女子合唱團》出席，而去年爆出不倫戀嘅永野芽郁，就以佢監製嘅新作參展。
身為電影節大使嘅中島健人，就繼續以陽光笑容，將滂沱大雨形容為滋潤電影界嘅水份，非常得體又識做。至於岡田准一主演嘅新片係今屆嘅開幕電影，佢同拍檔松坂桃李以及清野菜名一齊現身紅地氈現場，冒雨同一眾影迷打招呼。
佢仲指參演嘅日本本地製作，獲選為開幕電影心情非常榮幸，又指新作將同觀眾一齊體驗音樂，希望大家好好享受。
