劉穎鏇 同 森美 呢日出席一個急救學院周年活動，Tiffany聯同近400位醫護，砌出「AED」急救圖案，打破健力士世界紀錄，有幸嘅為其中一人，Tiffany就話冇諗過可以親身參予呢件事，覺得好有意義好開心。
喺台上跟住醫生示範心外壓嘅Tiffany，指自己學咗好多新智識，因為以前佢未上過呢類堂，仲話覺得大家都要知道呢啲基本功，好想同身邊人分享，因為學識呢啲智識喺緊急情況下會有好大分別。
為大會擔任司儀嘅森美，今次就未能落場一齊打破紀錄，佢話自己睇到呢個活動嘅司儀稿時，本身有少少睇小呢次壯舉，但後來先知成件事要求好高。森美又分享咗一次驚險經歷，有次同朋友打波，一位好健康嘅波友打打下波突然跌倒，心跳同呼吸都停咗，好在咁啱有個救護員在場幫佢做手外壓，又以AED機幫對方急救，先可以撐到白車到場。
