真人戀愛綜藝《女神配對計劃2》自播出後旋即成為城中熱話，各自有份參與兩季嘅12位女神，日前難得聚首一堂，節目嘅靈魂人物監製莫文浩，特別發文感激呢12位閃閃發光嘅女神。
myTV SUPER重溫新一輯女神求愛歷程
Manho好多謝12位女神願意赴呢一場約會，願意放下顧慮，堅強同勇敢嚟參與呢個計劃。佢話正因為有一班女神嘅勇氣，先可以令大家一齊感受愛情入面嘅甜、酸、苦、辣。佢更感激女神們交出自己嘅真實故事，同大家一齊見證愛情嘅各種模樣。無論結局如何，敢於奔赴愛情，本身已經好耀眼。
其實女神們付出自己嘅愛情故事，一眾求愛勇者嘅努力亦感動到唔少觀眾，女神家族不時都有聚會，台前幕後熱鬧都好似一家人咁融洽。
《女神配對計劃2》星期日晚 20:30 翡翠台