陳曉華Hera 喺熱播劇《璀璨之城》中飾演嘅郭芷媛雖然喺第三集時已經暫別觀眾，但到第十四集又再出現喺觀眾眼前。陳瀅Jeannie飾演嘅霍佩樺為咗幫芷媛報仇，選擇埋身戰術喺張智霖Chilam飾嘅官孝賢身邊。
myTV SUPER重溫《璀璨之城》豪門家族爭產
呢集陳瀅同Hera雙雙出現嘅畫面就更加震撼，交代返陳瀅一直都對Hera好情深，兩人傾訴後依偎喺梳化上瞓覺，陳瀅仲親吻Hera額頭，完美演繹含蓄嘅愛意。
Hera睇完呢幕後即刻將畫面放到社交平台回味，並為霍佩樺加油：「在電視機前的陳曉華，感覺到心裏的郭芷媛在為你哭，因為看見你，很努力很努力，但我不想，受著傷努力『我相信 當你好想好想好想要一樣野 個天一定會回應你』我相信的事，成真了，得到回應了，收到了。」而陳瀅亦留言：「只要你開心，我咩都可以為你做。」
Fans們都好投入，紛紛留言話「你一定可以幫Annie報仇」、「唔想Sarah有危險」、「看見很心痛」等回應兩人呢場戲，亦有唔少網民留言表示想睇二人嘅感情線，敲碗請求TVB開拍GL劇。
《璀璨之城》星期一至五晚 20:30 翡翠台