探討婚姻關係嘅節目《夫妻肺片》話題豐富受歡迎，節目組隨即添食開拍《夫妻肺片》第二季，由單立文、胡蓓蔚Paisley、賴慰玲Winki、胡諾言擔任主持，豹哥同豹嫂首次夫妻檔上陣，喺訪問時豹嫂畀足面豹哥，話節目中嘅笑料同氣氛全跟住老公方向，交由佢做氣氛擔當。
Winki則覺得有豹哥豹嫂帶領節目好開心，仲見識到豹嫂喺節目中同豹哥互動嘅火花，大爆豹嫂好嬌嗲。豹嫂即刻否認，解釋只係豹哥唔鍾意佢講唔正嘅廣東話，不滿佢作日吊高音調講嘢。胡仔就認為大家嘅經歷好有趣，因為唔洗對白全部來自真實婚姻狀況。
楊明同莊思明Lisa會一齊分享新婚生活，表現恩愛。而近日楊明喺大馬開設嘅食店一口氣獲得三個業界獎項，兩夫妻同一班員工都好開心。