《璀璨之城》劇情峰迴路轉又激烈，呢幕講到 張智霖Chilam 原本十拿九穩嘅大項目，被細佬 吳卓羲 截糊要敗走，仲帶同老婆 張曦雯 加埋阿媽 江美儀 嚟踩場，氣氛凝重。拍攝呢場戲時Chilam雖然大讚對手好戲，但就笑言難頂 高海寧 忍唔住笑，明明人哋講緊好嚴肅對白時，佢會好似中咗笑穴咁焗蟹都當得，自不然就被佢影響到。
myTV SUPER重溫《璀璨之城》豪門家族爭產
美儀姐嘅角色喺中段出現加入官家戰場，同阿Ron飾演兩母子企同一陣線，兩人現實中係住隔離嘅鄰居好朋友，拍劇時做母子嘅感覺真係好特別，Ron笑指成份母愛出晒嚟。而Kelly夾喺兩母子中間，聽住佢哋唱雙簧，雖然完全攝唔到位講嘢，但都笑得好開心勁冧。
喺劇入面Kelly嘅闊太打扮貴麗，但身高就令阿Ron唔多滿意，仲投訴Kelly一啲都唔畀面，場場都著超高高踭鞋，搞到佢好自卑，所以美儀姐都話唔鍾意呢個新抱。Kelly就呵返阿Ron話覺得佢唔需要高度去代表自己，好似Tom Cruise同王祖藍一樣。
《璀璨之城》星期一至五晚 20:30 翡翠台
