真人戀愛綜藝《女神配對計劃2》今個星期移師水上樂園，萬眾期待嘅女神水著look，絕對會衝擊大家嘅眼球，七位女神 郭珮文Juliana、 何沛珈Roxanne、 俞可程Kanis、 陳若思Amber、阮嘉敏Mandy、陳星妤Yvette 同 梁超怡，輪流挑戰玩水上滑梯，現場尖叫聲不斷。
myTV SUPER重溫新一輯女神求愛歷程
Juliana本身係游泳高手，所以呢種程度對佢來講濕濕碎，Amber睇上去弱質纖纖，但原來都好大膽，玩水上滑梯一啲都唔驚，而Kanis就只擔心落水一刻可唔可以keep住個靚樣。相反Roxanne同Mandy就因為不諳水性，所以驚到花容失色，直接喺鏡頭大喊，真係我見猶憐。至於兩位隱藏女神陳星妤同梁超怡繼續表現進取，兩位都著住戰鬥格泳衣上陣。
女神需要保護，就係求愛勇者們展現man power嘅時候，尤其見到女神驚到喊，好自然就會激起內心嘅保護欲， 李爾晨 就話見到Roxanne喊覺得於心不忍，仲讚佢喊完都咁靚，真係識氹女仔。而 吳兆麟 就話表現專業話只會關心自己心儀嘅女神Amber。
水上樂園仲有一場重頭戲就係要玩騎膊馬，平時斯斯文文嘅女神完全冇留力，各個都流露出狠勁，驚唔驚嚇怕一眾男士呀？
《女神配對計劃2》星期日晚 20:30 翡翠台
