林鳳嬌嘅外甥歌手 董又霖（Jeffrey），近日喺社交平台分享咗一輯 BB百日宴照片，原來佢早前升呢成為舅父，而喺佢PO出嘅眾多照片中，就有成龍抱起「外甥孫」嘅一幕。
相中所見，成龍似係剛做完按摩，上身赤裸只蓋着一條毛巾，佢以麒麟臂平穩托舉「外甥孫」Caleb，面上露出慈祥笑容。而另一張相則換成一女子抱住Caleb，而已坐起身嘅成龍則伸出拳頭與Caleb嘅小手對碰，Jeffrey喺caption中寫道：「拳頭比頭大😆」
唔少網民睇到照片後，都留言指好難得睇到成龍喺家中放鬆嘅一面，亦有網民讚現年72歲嘅大哥皮膚相當好。
