由 高海寧 周嘉洛 同 朱敏瀚 主持嘅節目《Grand住去首爾》今晚起播出，已經第三次參與系列節目嘅高Ling，今日就事先公開當中唔少花絮照片，其中第一張見到人氣高企嘅嘉賓 金鍾國 拎住家洛同朱仔嘅姓名牌，大家都可能已經估到，係重現《Running Man》經典撕名牌遊戲喇，不過高Ling企喺佢身後有所動作，之後又高舉對方名牌，唔通呢次最後嬴家會係佢？
另外亦可見一身現代女性打扮嘅高Ling，於傳統韓屋外留影，而身穿一身韓服嘅朱仔就非常放鬆咁半攤於屋外，兩人嘅打扮同表情都充滿反差對比，令人失笑，相信呢次旅程一定係笑聲同笑料不斷呀。
朱仔同老友鬼鬼嘅嘉洛，雖然身穿一身韓服，照計應該有返Oppa嘅英明神武先係，誰不知兩個就繼續整鬼造怪，於首爾街頭模仿身後新人結婚海報擺出甜蜜表情冤氣到暈，唔知 張振朗 睇到呢個畫面會有咩諗法呢？
《Grand住去首爾》今晚起 星期六晚20:00 翡翠台